اسلام آباد(مانیٹرنگ ڈیسک)بیگم کلثوم نواز کی نماز جنازہ ادا کر دی گئی ہے۔ نماز جنازہ شریف میڈیکل سٹی کے سبزہ زار میں مولانا طارق جمیل نے پڑھائی جس میں لوگوں کی کثیر تعداد نے شرکت کی۔ اپنی اہلیہ کے آخری سفر میں نواز شریف خود قافلے کی قیادت کرتے ہوئے گاڑی ڈرائیو کر کے شریف میڈیکل سٹی تک لائے اس موقع پر ان کے ساتھ مولانا طارق جمیل بھی گاڑی میں ہمراہ تھے۔ نماز جنازہ سے قبل نواز شریف نے مولانا طارق جمیل کے کان میں کچھ کہا جس پر مولانا طارق جمیل نے انکار میں سر ہلادیا۔