اسلام آباد(مانیٹرنگ ڈیسک) پی ٹی وی بورڈ آف ڈائریکٹرز کی منظوری، ڈی جی آئی ایس پی آر میجر جنرل آصف غفور بورڈ کے رکن مقرر۔ تفصیلات کے مطابق وفاقی کابینہ نے پی ٹی وی بورڈ آف ڈائریکٹرز کی منظوری دیدی ہے جس کے چیئرمین وفاقی وزیر اطلاعات فواد چوہدری ہونگے جبکہ ڈی جی آئی ایس پی آربھی 8رکنی بورڈ آف ڈائریکٹرزکے رکن ہونگے۔ اس حوالے سے وفاقی کابینہ کے اجلاس کے بعد میڈیا کو دی گئی بریفنگ میں فواد چوہدری کا کہنا تھا کہ وفاقی کابینہ
نے پی ٹی وی بورڈ آف ڈائریکٹرز کی منظوری دیدی ہے ۔ بورڈ آف ڈائریکٹرزمیں 8 آزاد لوگ شامل کئے گئے ہیں، سیکرٹری اطلاعات وائس چیئرمین ہوں گے جبکہ ممبران میں چیئرمین ہائیر ایجوکیشن کمیشن‘ ایڈیشنل سیکرٹری فنانس‘ ڈی جی پاکستان براڈ کاسٹنگ کارپوریشن‘ ایم ڈی پی ٹی وی‘ بیرسٹر علی ظفر‘ پروفیسر اعجاز الحسن‘ ساول حسین‘ ڈاکٹر ہمایوں خان،ڈی جی آئی ایس پی آر ممبر ہوں گے۔ ارشد خان کو بھی بورڈ میں شامل کیا گیا ہے اور وہ ایم ڈی پی ٹی وی ہوں گے۔
