اسلام آباد(مانیٹرنگ ڈیسک)عمران خان نے وزیر اعظم بننے کے بعد کفایت شعاری کا اعلان کیا تھا اور اس پر وہ عمل بھی کر رہے ہیں،غیر ملکی شخصیات کو بھی چائے،بسکٹ،پانی پیش کیا جارہا ہے۔ اسی حوالے سے پاکستان تحریک انصاف کے رہنما صاحبزادہ جہانگیر نے ایک تصویر ٹویٹ کی ہے جس میں گورنر پنجاب چوہدری سرور اور ترجمان تحریک انصاف نعیم الحق بھی ان کے ہمراہ موجود ہیں اور سب کے
سامنے چائے اور آملیٹ رکھا ہوا ہے۔صاحبزادہ جہانگیر کا کہنا ہے کہ وزیر اعظم عمران خان کی سادگی دیکھیں۔وزیراعظم آفس میں مفت کے کھانے نہیں پیش کیےجاتے۔چائے اور میری طرف سے صرف آملیٹ نعیم الحق اور چوہدری سرور کو پیش کیا گیا۔واضح رہے کہ اس سے پہلے وزیر اعظم ہائوس میں مختلف قسم کے کھانے پیش کئے جاتے تھے جن پر ہزاروں نہیں ،لاکھوں روپے خرچ ہوتے تھے۔
