اسلام آباد (این این آئی) سابق وزیراعظم نواز شریف، مریم نواز اور کیپٹن (ر) محمد صفدر کو بیگم کلثوم نواز کی تدفین کیلئے پے رول پر رہائی دی جائیگی۔ذرائع محکمہ داخلہ کے مطابق اڈیالہ جیل میں قید سابق وزیراعظم نواز شریف، ان کی صاحبزادی مریم نواز اور داماد کیپٹن (ر) صفدر کو کلثوم نواز کی

نماز جنازہ سے لیکر تدفین تک رہائی دی جائے گی۔ذرائع محکمہ داخلہ کے مطابق پے رول پر رہائی کیلئے درخواست ملنا ضروری ہے۔یاد رہے کہ کینسر کے مرض میں مبتلا سابق وزیراعظم نواز شریف کی اہلیہ بیگم کلثوم نواز گزشتہ کئی ماہ سے لندن کے ہسپتال میں زیرعلاج تھیں جو منگل کے روز انتقال کرگئیں۔