پشاور(این این آئی)خیبرپختونخوا کے مختلف اضلاع میں تیز ہواؤں کے ساتھ بارش سے موسم خوشگوار ہوگیا،اتوار کوصوبے کے مختلف علاقوں ملم جبہ،سیدوشریف،کوہاٹ،کالام،دیر،بنوں میں بارش ہوئی ،بارش سے گرمی کازور ٹوٹ گیا اورموسم انتہائی خوشگوار ہوگیا،بارش اورٹھنڈی ہواؤں سے شہریوں کے چہرے کھل اٹھے،کرک،کوہاٹ

،اورصوبے کے دیگر اضلاع میں بھی بارش ہوئی۔ محکمہ موسمیات کے مطابق خیبرپختونخوا اور قبائلی علاقوں میں آئندہ چوبیس گھنٹوں کے دوران بارش کا امکان ہے۔محکمہ موسمیات کے مطابق خیبرپختونخوا کے ملاکنڈ اور ہزارہ ڈویڑن اور فاٹا میں تیز ہواؤں کے ساتھ بارش کا امکان ہے جس کے ساتھ موسم خوشگوار ہوجائے گا۔