اسلام آباد (مانیٹرنگ ڈیسک)عام انتخابات 2018کیلئے چوہدری نثار کو ن لیگ کی جانب سے ٹکٹ دینے یا نہ دینے کا فیصلہ آج کر دیا جائے گا۔ سابق وزیر داخلہ کو آج ماڈل ٹاون پارلیمانی بورڈ کے سامنے پیش ہونے کا کہا گیا ہے جبکہ اس حوالے سے حتمی فیصلہ نواز شریف ماڈل ٹائون میں ہونیوالے ن لیگ کے پارلیمانی بورڈ کے اجلاس میں کرینگے۔ واضح رہے

کہ اس سے قبل شہباز شریف چوہدری کو ٹکٹ دینے کا اعلان کر چکے ہیں، شہباز شریف کا کہنا تھا کہ چوہدری نثار عام انتخابات کیلئے پارٹی ٹکٹ مانگیں یا نہ مانگیں انہیں ٹکٹ ضرور ملے گا۔خیال رہے کہ اس مرتبہ چوہدری نثار کو مرکزی پارلیمانی بورڈ کی رکنیت نہیں دی گئی جبکہ اس سے قبل 2013کے الیکشن میں چوہدری نثار پارلیمانی بورڈ کا حصہ تھے۔