اسلام آباد (این این آئی) تحریک انصاف گلالئی کی سربراہ عائشہ گلالئی نے کہا ہے کہ کہ عمران خان کو ریحام خان کی کتاب سے بے نقاب ہونے کا ڈر ہے ،انہیں کون نہیں جانتا وہ اپنے کردار کی وجہ سے عالمی سطح پر جانے پہچانے جاتے ہیں،پاکستانی خواتین ریحام خان کی مدد کریں۔الیکشن کمیشن کے باہر میڈیا سے گفتگو کرتے ہوئے تحریک انصاف گلالئی کی سربراہ عائشہ گلالئی نے کہا کہ عمران خان کو کون نہیں جانتا ،

وہ اپنے کردار کی وجہ سے عالمی سطح پر جانے پہچانے جاتے ہیں۔انہوں نے کہا کہ عمران خان اخلاقی زوال کا شکار شخص ہے، وہ ریحام خان کیخلاف مافیا کو سپانسر کر رہے ہیں۔انہوں نے کہا کہ عمران خان کو ریحام خان کی کتاب سے بے نقاب ہونے کا ڈر ہے ۔انہوں نے کہا کہ عمران 62،63 پر بھی پورے نہیں اترتے،ان کا کردار بھی درست نہیں اور وہ حکومت نہیں چلا سکتے۔انہوں نے کہا کہ پاکستانی خواتین ریحام خان کی مدد کریں۔