اسلام آباد (نیوز ڈیسک) پاکستان میں تعینات جرمنی کے سفیر مارٹن کوبلر نے اپنی اہلیہ کو پاکستان بلا لیا ہے، جرمن سفیر اپنی اہلیہ کو خود ائیر پورٹ لینے کے لیے گئے، جب وہ اپنی اہلیہ کا استقبال کرنے کے لیے ائیرپورٹ پہنچے تو ایسے کپڑے پہن لیے کہ دیکھنے والے حیرانی کے ساتھ ساتھ خوش ہو گئے۔ انہوں نے شلوار قمیص پہن رکھی تھی، جرمن سفیر نے ائیر پورٹ پر سیلفی لی اور
ٹوئٹر پر شیئر کرتے ہوئے لکھا کہ دیکھو میں کیسا لباس پہن کر اپنی اہلیہ کا استقبال کرنے کیلئے ائیرپورٹ پر آیا ہوں۔ میں اسے خوبصورت پاکستان دکھانے کا منصوبہ بنا رہا ہوں۔ میری پاکستانی شلوار قمیص کے بارے میں آپ کا کیا خیال ہے؟ کیا میں مقامی لوگوں میں گھل مل گیا ہوں؟ جرمن سفیر اکثر ایسے اقدام کرتے رہتے ہیں کہ پاکستانی ان کی تعریف کرنے پر خود ہی مجبور ہو جاتے ہیں۔
