اسلام آباد (مانیٹرنگ ڈیسک) ایک نجی ٹی وی چینل کے پروگرام میں حمزہ علی عباسی نے کہا کہ ریحام اپنی کتاب میں کہتی ہیں کہ پاکستان کا میڈیا مجھے فاطمہ جناح اور بے نظیر بھٹو کے ساتھ تشبیہ دینا شروع ہوگیا تھا، حمزہ علی عباسی نے کہا کہ ریحام خان کو اپنے بارے میں غلط فہمی ہے۔ حمزہ علی عباسی نے کہا کہ میں ایک دو دن کے بعد باقاعدہ صفحہ نمبر کے ساتھ آپ کے سامنے لاؤں گا جس میں ریحام خان نے کہا کہ مجھے ایک ٹائم پر پاکستان کا میڈیا فاطمہ جناح
اور بے نظیر بھٹو کے ساتھ تشبیہ دینا شروع ہوگیا، عمران خان ان کی مقبولیت سے جلتے تھے۔ اس موقع پر مبشر لقمان نے کہا کہ کسی اخبار کی کوئی کٹنگ یا کسی میڈیا نے انہیں فاطمہ جناح یا بے نظیر سے تشبیہ دی ہو وہ ثابت کریں، مبشر لقمان نے کہا کہ میں ریحام خان کے خلاف عدالت میں جاؤں گا۔ حمزہ عباسی نے کہاکہ وہ تو یہ ہی فرماتی ہیں۔ حمزہ عباسی نے مزید کہا کہ آپ کو تو اس کتاب میں نام ہے کہ آپ تحریک انصاف کے پیڈ لابی اینکر ہیں۔
