اسلام آباد (این این آئی)سابق وزیر داخلہ احسن اقبال نے فواد چوہدری کی جانب سے ریحام خان کی مریم نوازسے ملاقات کر انے کے بیان کو مسترد کرتے ہوئے کہاہے کہ پی ٹی آئی نے اپنے دفاع کیلئے من گھڑت ای میلز کا سہارا لیا ٗ مہر بانی فرما کر مجھے ریحام خان اور عمران خان کے معاملے میں نہ گھسیٹا جائے ۔تفصیلات کے مطابق پاکستان تحریک انصاف کے چیئر مین عمران خان کی سابق اہلیہ ریحام خان اور پی ٹی آئی رہنما حمزہ علی عباسی کے درمیان ٹویٹر پر ’سرد جنگ ‘کا آغاز گزشتہ رات ہوا جس کے بعد ایک دوسرے
پر الزامات کی بارش کی گئی اور مبینہ ای میلز لیک کی گئیں جس میں ایک الزام احسن اقبال پر بھی لگایا گیاکہ انہوں نے ریحام خان اور مریم نواز کی مبینہ طور پر ملاقات کروائی جس پر اب سابق وزیر داخلہ میدان میں آ گئے ۔احسن اقبال نے ٹویٹر پر پیغام جاری کر تے ہوئے کہاکہ ’’پی ٹی آئی نے اپنے دفاع کیلئے من گھڑت ای میلز کا سہارا لیا ،میری ریحام خان سے آخری مرتبہ لاقات ’آج‘ کے سٹوڈیو میں ہوئی تھی اور وہ بھی ریحام خان کی عمران خان سے شادی سے پہلے اور نہ ہی میں نے ان کی کیس کے ساتھ میٹنگ ارینج کروائی ہے۔
