نئی دہلی(نیوز ڈیسک)بھارتی سابق وزیر خزانہ اور بی جے پی کے سابق رہنما یشونت سنہا نے مودی حکومت کیخلاف مورچہ کھولتے ہوئے حکومت کیخلاف یکم جون سے 10جون تک گاؤں بند رکھنے کا اعلان کر دیا، مدھیہ پردیش میں نافذ بھاوانتر اسکیم نے کسانوں کو بھکاری بنادیا۔بھارتی میڈیا کے مطابق بھارتیسابق وزیر خزانہ اور بی جے پی کے سابق رہنما یشونت سنہا نے مودی حکومت کیخلاف مورچہ کھولتے ہوئے کہا ہے کہ حکومت کیخلاف یکم جون سے 10جون تک گاؤں بند رکھے جائیں گے۔یشونت سنہا نے
’ بھاوانتر یوجنا‘‘اور مدھیہ پردیش میں کسانوں کی حالت زار پر افسوس کا اظہار کرتے ہوئے کہا کہ مدھیہ پردیش میں نافذ کی جانیوالی بھاوانتر اسکیم کو ماڈل اسکیم سے تعبیر کیا جارہا ہے مگر اس نے ریاست کے کسانوں کو بھکاری بنادیا۔ سنہا نے کہا کہ بی جے پی کے انتخابی منشور میں درج تھا کہ حکومت لاگت قیمت پر 50فیصدسے زیادہ منافع دیگی تاہم اب 2لاگت قیمت پر 50فیصد دینے کی بات ہورہی ہے جو کسانوں کے ساتھ کھلی خلاف ورزی اور دھوکہ دہی کے مترادف ہے۔
