نئی دہلی(مانیٹرنگ ڈیسک)بھارت شروع سے اپنی روایات سے جڑا چلا آرہا ہے ان میں ذات کے معنی بہت زیادہ پروان چڑھے ہیں ۔ یہ اپنی ذات میں رہتے ہوئے کسیدوسری ذات کی لڑکی یا پھر لڑکے سے شادی کی ہر گز اجازت نہیں دیتے ۔ حال ہی میں بھارت میں ایک باپ نے اپنی بیٹی کو موت کے گھاٹ اتار دیا ۔ٹائمز آف انڈیا کی رپورٹ کے مطابق بھارتی ریاست کیرالہ کی21سالہ لڑی ’’پی اتھیرا‘‘کو کسی دوسری ذات کے لڑکے سے محبت ہو گئی جو ایک فوجی تھا۔

اتھیرا نے اپنے باپ ’’راجن‘‘ کو فوجی سے شادی کیلئے راضی کر لیا لیکن شادی والے دن ہی باپ بیٹی میں جھگڑا ہو گیا جس پر راجن نے اپنی بیٹی پر چھریوں کے ان گنت وار کر کے اسے قتل کر دیا ۔ اتھیرا کو تشویشناک حالت میں ہسپتال پہنچایا گیا لیکن زخموں کی تاب نہ لاتے ہوئے وہ دنیا فانی سے کوچ کر گئی ۔ ٹائمز آف انڈیا کی رپورٹ کے مطابق اتھیرا کی شادی ایک مقامی مندر میں سہ پہر کو ہونا تھی ، گھر میں تیاریاں عروج پر تھیں لیکن شادی سے کچھ دیر ہی قبل باپ بیٹی میں جھگڑا ہو گیا جو بیٹی کی موت پر ختم ہو ا ۔ گھر والوں نے قتل کی رپوٹ تھانے میں درج نہیں کروائی جبکہ پولیس نے شک کی بنیاد پر ’’اتھیرا کے باپ راجن ‘‘ کو گرفتار کر کے مقدمہ درج کر لیا ۔