لاہور ( این این آئی) پاکستان تحریک انصاف کی ویب سائٹ ہیک کر لی گئی ۔تحریک انصاف کی ویب سائٹر پر ہیکرز نے اپنا نام ’’ہنٹر گجر ‘‘بتایا ہے اور لکھا ہے کہ تحریک انصاف میں تبدیلی آئے یا نہ آئے مگر ان کی ویب سائٹ میں تبدیلی آ گئی ہے۔عمران خان کو مخاطب کرتے ہوئے کہا گیا کہ گونوازگو چلا گیا اب روعمران رو ہے۔ہیکرز نے ویب سائٹ پر پاکستان زندہ باد کا نعرہ بھی لکھا جبکہ رابطے کے لیے اپنا فیس بک لنک

اوراپنے بارے میں تفصیل جاری کی ہے۔واضح رہے کہ یہ پہلا موقع نہیں کہ ہیکرز نے پی ٹی آئی کی ویب سائٹ ہیک کی ہو،اس سے قبل گزشتہ برس 12اگست کو نامعلوم ہیکرز نے ویب سائٹ کو ہیک کیا تھا۔۔