لاہور (ا ین این آئی) محکمہ سکولز ایجوکیشن ڈیپارٹمنٹ اور آل پاکستان پرائیوٹ سکول مینجمنٹ ایسوسی ایشن نے آج ( بدھ )17جنوری کو چیئرنگ کراس کے گرد سرکاری ونجی سکولز کو بند رکھنے کا اعلان کر دیا۔تفصیلات کے مطابق مال روڈ پراپوزیشن کی جماعتوں کے دھرنے کے باعث محکمہ سکول ایجوکیشن نے چیئرنگ کراس کے گرد سرکاری سکولوں کو آج بروز بدھ بند رکھنے کا اعلان کیا، چیئرنگ کراس کے ارد گرد چھ سرکاری سکول واقع ہیں۔ جن میں گورنمنٹ گورنر ہاؤس بوائز ہائی سکول،
گورنمنٹ گرلز ہائی سکول گورنر ہاؤس، گورنمنٹ اسلامیہ ہائی سکول خرانہ گیٹ، گورنمنٹ فاطمہ گرلز ہائی سکول فین روڈ، گورنمنٹ نیپئر روڈ ہائی سکول، گورنمنٹ ہائی سکول شاہرائے ایوان تجارات شامل ہیں۔محکمہ تعلیم کا کہنا ہے کہ بچوں کے تحفظ کیلئے سکول بند رکھنے کا اعلان کیا گیا۔محکمہ سکول ایجوکیشن کی جانب سے سکول بند رکھنے کے اعلان کے بعد آل پاکستان پرائیوٹ سکول مینجمنٹ ایسوسی ایشن نے بھی چیئرنگ کراس کے قریب واقع سکولوں کو ایک روز کیلئے بند رکھنے کا اعلان کر دیا۔
