اسلام آباد(مانیٹرنگ ڈیسک)عمران خان نا اہلی کیس فیصلے پرن لیگ کے رہنما حنیف عباسی نے سپریم کورٹ میں نظر ثانی اپیل دائر کر دی،عمران خان نے جھوٹ بولا، صادق اور امین نہیں رہے، سپریم کورٹ فیصلے پر نظرثانی کرے، درخواست گزار کا موقف۔ تفصیلات کے مطابق عمران خان نا اہلی کیس میں سپریم کورٹ کے فیصلے پر ن لیگ ن کے رہنما حنیف عباسی نے
سپریم کورٹ میں نظر ثانی اپیل دائر کر دی ہے۔ اپنی درخواست میں ن لیگ کے رہنما حنیف عباسی نے موقف اختیار کیا ہے کہ عمران خان نے اپنے اثاثوں اور دیگر تفصیلات سے متعلق عدالت میں جھوٹ بولا ہے وہ صادق اور امین نہیں رہے لہٰذا عدالت اپنے فیصلےپر نظر ثانی کرتے ہوئے انہیں نا اہل قرار دے۔ حنیف عباسی نے درخواست اپنے وکیل کے ذریعے سے جمع کرائی ہے۔
