اسلام آباد(مانیٹرنگ ڈیسک)زینب قتل میں سامنے آنیوالی نئی سی سی ٹی وی فوٹیج میں نظر آنے والا شخص کون ہے، زینب کے والد کا اہم بیان سامنے آگیا۔ تفصیلات کے مطابق زینب قتل میں سامنے آنیوالی نئی سی سی ٹی وی فوٹیج میں نظر آنے والے شخص سے متعلق زینب کے والد محمد امین انصاری نے اپنے اہم بیان میں کہا ہے کہ یہ شخص ہمارے علاقے کا نہیں۔ علاقے کا چکر

لگانےوالا مشتبہ شخص پیش ہو گیا ہے لیکن یہ وہ شخص نہیں ہے جسے فوٹیج میں دیکھا گیا ہے۔ انہوں نے کہا کہ کیس کی تفتیش ٹھیک سمت میں جا رہی ہے اور ہم اپنی بیٹی کے کیس میں ہونیوالی تفتیش سے مطمئن ہیں تاہم انہوں نے تاحال قاتل کی گرفتاری پر تحفظات کا اظہار کرتے ہوئے کہا کہ قاتل کی گرفتاری کیلئے جس وقت کا ہم سے وعدہ کیا گیا تھا وہ گزر گیا ہے۔