پشاور(این این آئی) پشاور کے پوش علاقے حیات آباد فیز تھری میں علاقہ مکینوں کی اطلاع پر پولیس نے آئس کے نشے میں دھت نواجوان لڑکی کو گرفتار کرکے وومن پولیس اسٹیشن منتقل کردیا ہے۔ پولیس کے مطابق حیات آباد فیز تھری میں نوجوا ن لڑکی کوگرفتارکرلیا ہے۔لڑکی نشے کی حالت میں ہے جبکہ جسم پر زخم بھی ہے۔ نشہ اترنے کے بعد لڑکی سے پوچھ گچھ کیا جائیگا۔ اس سے پہلے سوشل میڈیا پر ایک ویڈیوں بھی
وائرل ہے جس میں ایک لڑکی ائس کا نشہ کر رہی ہے پولیس کے مطابق یہ اندازہ بھی لگایا جا رہا ہے کہ یہ لڑکی وہی ہے جو ویڈیوں میں دکھائی دے رہی ہے یا یہ دوسری لڑکی ہے.پولیس کے مطابق لڑکی کی عمر بیس سے پچیس سال کے درمیان ہے جو بظاہر یونیورسٹی کی طالبہ دکھائی دے رہی ہے۔
