اسلام آباد(مانیٹرنگ ڈیسک)قصور میں کمسن بچی کے اغوا کا ایک اور واقعہ، مبینہ اغوا کار شہریوں کے ہتھے چڑھ گیا، مشتعل شہریوں نےسر اور مونچھوں کے بال مونڈ ڈالے۔ تفصیلات کے مطابق قصور میں ابھی ننھی زینب اور دیگر 11بچیوں کے اغوا اور قتل کے واقعات کا شور تھما نہیں تھا کہ ایک اور کمسن بچی کے اغوا کا واقعہ پیش آگیا۔ مبینہ اغواکار کو

شہریوں نے پکڑ لیا ، مشتعل افراد نے مبینہ اغوا کار کو تشدد کا نشانہ بنانے کے بعد اس کے سر اور مونچھوں کے بال مونڈ ڈالے ہیں۔ شہریوں نے الزام عائد کرتے ہوئے بتایا کہ مذکورہ شخص ایک 9سالہ بچی کو مبینہ طو رپر اغوا کرنے کی کوشش کر رہا تھا جس پر اسے پکڑ لیا گیا۔ شہریوں نے سر اور مونچھوں کے بال مونڈنے کے بعد مبینہ اغوا کار کو حوالہ پولیس کر دیا ہے۔