اسلام آباد (مانیٹرنگ ڈیسک)زینب قتل کیس میں اہم پیشرفت اور اہم انکشاف سامنے آگیا۔ بچی کو قتل کرنے والا ملزم اکیلا نہیں بلکہ کم از کم تین افراد ملوث نکلے، سی سی ٹی وی فوٹیجز میں شناخت ، تحقیقاتی اداروں نے تین ملزمان کو حراست میں لے لئے، مرکزی ملزم تاحال گرفتار نہ ہو سکا۔ تفصیلات کےمطابق زینب قتل کیس میں اہم پیش رفت اور انکشاف سامنے آیا ہے جس کے مطابق بچی کو قتل کرنے والا ملزم اکیلا نہیں تھا بلکہ کم از کم تین افراد ملوث ہیں ۔ یہ انکشاف اس وقت سامنے آیا

جب تحقیقاتی اداروں نے مزید سی سی ٹی وی فوٹیجز کا جائزہ لیا۔ فوٹیجز میں شناخت ہونے کے بعد تحقیقاتی اداروں نے فوری طور پر کارروائی کرتے ہوئے تین ملزمان کو گرفتار کر لیا ہے جبکہ مرکزی ملزم تاحال گرفتار نہیں ہو سکا۔ بتایا جا رہا ہے کہ زینب کی ڈی این اے رپورٹ آنے پر مزید پیشرفت سامنے آئے گی جبکہ مرکزی ملزم کی گرفتاری کے بعد وزیراعلیٰ پنجاب شہباز شریف خود ایک میڈیا بریفنگ میں عوام کو کیس سے متعلق بریفنگ دیتے ہوئے مرکزی ملزم کو سامنے لائیں گے۔