اسلام آباد (مانیٹرنگ ڈیسک) نجی ٹی وی پروگرام میں گفتگو کرتے ہوئے پاکستان کے معروف و سینئر صحافی ڈاکٹر شاہد مسعود نے انکشاف کیا ہے کہ قصور کی ننھی زینب کا قاتل پکڑا گیا ہے اور اس نے اعتراف جرم بھی کر لیا ہے۔ شاہد مسعود نے مزید انکشاف کرتے ہوئے کہا کہ قاتل کی گرفتاری آئی ایس آئی اور ایم آئی کی مشترکہ کوششوں کا

نتیجہ ہے ۔ زینب کا قاتل مبینہ طور پر بچی کا رشتہ دار یا قریبی عزیز ہے ۔ ان کا کہنا تھا کہ جب زینب کے قتل کا معاملہ ابھر کر سامنے آیا تو قاتل کو اندازہ ہوگیا تھا کہ وہ اب بچ نہیں سکتا ، اس نے فرار ہونے کیلئے اپنے دوست سے بھی مدد طلب کی تھی۔ ڈاکٹر شاہد مسعود نے بتایا کہ قاتل کے ڈی این اے اور دیگر ضروری کارروائی کا عمل جاری ہے۔