اسلام آباد(آن لائن) وزیراعظم شاہد خاقان عباسی نے امریکی صدر کے پاکستان مخالف بیان پر قومی سلامتی کمیٹی کا اجلاس آج بدھ کو طلب کرلیا۔میڈیا رپورٹ کے مطابق وزیراعظم شاہد خاقان عباسی نے بدھ کو قومی سلامتی کا اجلاس طلب کیا ہے جس میں وزیردفاع خرم دستگیر، وزیرخارجہ خواجہ آصف، چیئرمین جوائنٹ چیف آف اسٹاف کمیٹی، تینوں مسلح افواج کے سربراہان سمیت دیگر سول وعسکری حکام شریک ہوں گے۔وزیراعظم کی زیر

صدارت اجلاس میں ڈونلڈ ٹرمپ کے پاکستان سے متعلق بیان پر غور سمیت ملکی وعلاقائی سیکیورٹی صورتحال کا بھی جائزہ لیا جائے گا۔واضح رہے کہ امریکی صدر ڈونلڈ ٹرمپ نے ایک بار پھر پاکستان پر الزامات لگاتے ہوئے اپنے ٹوئٹ میں کہا کہ امریکا نے گزشتہ 15 سال میں پاکستان کو 33 ارب ڈالر امداد دے کر بہت بڑی بے وقوفی کی، امداد وصول کرنے کے باوجود بھی پاکستان نے امریکا کے ساتھ جھوٹ بولا۔