اسلام آباد (مانیٹرنگ ڈیسک) پاکستان تحریک انصاف کے رہنما شاہ محمودقریشی نے کہاہے کہ پاکستان نے اپنے مفاد کی خاطر آگے بڑھنا ہے ،چاہے امریکی امداد ملے یا نہ ملے،ٹرمپ کا بیان نامناسب اور بے وقعت ہے،ٹرمپ کا ٹویٹ رواج خطرناک ہوسکتا ہے۔ نجی ٹی وی سے گفتگو کرتے ہوئے تحریک انصاف کے رہنماء شاہ محمود قریشی نے کہا کہ امریکی صدر ڈونلڈ ٹرمپ کا بیان نا مناسب اور بے وقعت ہے ، انہوں نے کہا کہ اس خطے میں اور بھی

قوتیں ہیں جو سمجھتی ہیں معاشی اور سلامتی استحکام کیلئے امن و استحکام ضروری ہے جس کیلئے چین، روس، ایران اور ترکی اپنا کردار ادا کر رہے ہیں اور یورپی قوتیں بھی ہماری قربانیوں کو سمجھتی ہیں۔ انہوں نے کہا کہ آج پاکستان میں اتفاق رائے قائم ہوچکا ہے اور اس کو لے کر آگے بڑھنا ہے اور امریکی امداد کی طرف نظر نہیں رکھنی، کیونکہ کل امریکہ ہم سے لاتعلق ہوجائے تو کیا ہم اپنے مفادات کا سودا کریں گے۔انہوں نے خارجہ پالیسی کو ٹویٹ پر بیان کرنے کو تنقید کا نشانہ بناتے ہوئے کہا کہ ماضی میں ایسا نہیں ہوتا تھا کیونکہ خارجہ پالیسی ایک سنجیدہ اور حساس معاملہ ہے جبکہ ٹویٹ سے کئی غلط فہمیاں پیدا ہوتی ہیں۔انہوں نے کہا کہ ڈونلڈ ٹرمپ نے ٹویٹ کا جو رواج پیدا کیا یہ خطرناک ہوسکتا ہے۔ پاکستان تحریک انصاف کے رہنما شاہ محمودقریشی نے کہاہے کہ پاکستان نے اپنے مفاد کی خاطر آگے بڑھنا ہے ،چاہے امریکی امداد ملے یا نہ ملے،ٹرمپ کا بیان نامناسب اور بے وقعت ہے،ٹرمپ کا ٹویٹ رواج خطرناک ہوسکتا ہے۔ نجی ٹی وی سے گفتگو کرتے ہوئے تحریک انصاف کے رہنماء شاہ محمود قریشی نے کہا کہ امریکی صدر ڈونلڈ ٹرمپ کا بیان نا مناسب اور بے وقعت ہے ، انہوں نے کہا کہ اس خطے میں اور بھی قوتیں ہیں جو سمجھتی ہیں معاشی اور سلامتی استحکام کیلئے امن و استحکام ضروری ہے جس کیلئے چین، روس، ایران اور ترکی اپنا کردار ادا کر رہے ہیں اور یورپی قوتیں بھی ہماری قربانیوں کو سمجھتی ہیں۔