اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید احمد نے پارلیمنٹ کے باہر صحافیوں سے گفتگو کرتے ہوئے اسحاق ڈار کے متعلق دلچسپ انکشاف کیا ، تفصیلات کے مطابق پارلیمنٹ ہاؤس کے باہر صحافیو ں سے گفتگو کے دوران شیخ رشید احمد نے کہا کہ میں لندن میں اپنے قیام کے دوران اسحاق ڈار کو مختلف ہسپتالوں میں تلاش کرتا رہا لیکن مجھے وہ کسی ہسپتال میں نہیں ملے، شیخ رشید احمد نے اسحاق ڈار کے متعلق کہا کہ اس نے سابق وزیراعظم نواز شریف سے زیادہ زیادہ دولت کرپشن کی صورت میں کمائی ہے اور یہ رقم اس نے لندن کے علاوہ

دیگر شہروں میں رکھی ہوئی ہے، انہوں نے گفتگو کرتے ہوئے کہا کہ برطانیہ کے علاوہ باقی تینوں ملکوں میں شریف خاندان کی کرپشن کے خلاف تحقیقات ہو رہی ہیں، شیخ رشید احمد نے کہاکہ میاں محمد نواز شریف کی ذہنی حالت قابل رحم ہے، نواز شریف 300 ارب چوری کرکے بھی اداروں پر اثر انداز ہو رہے ہیں، انہوں نے گفتگو کے دوران کہا کہ طاہرالقادری اور آصف علی زرداری کی ملاقات اچھی بات ہے، انہوں نے رانا ثناء اللہ کو اجرتی قاتل کہا اس کے علاوہ میڈیا نمائندوں سے گفتگو کے دوران انہوں نے کہا کہ شریف فیملی کی سیاست آخری ہچکیاں لے رہی ہے۔