اسلام آباد(مانیٹرنگ ڈیسک)احتساب عدالت نے سابق وزیر اعظم میاں نواز شریف کے دونوں بیٹوں حسن اور حسین نواز کو اشتہاری قرار دے دیا ۔نجی ٹی وی اے آر وائی نیوزکے مطابق احتساب عدالت نے حسن اور حسین نواز دونوں  کو نیب ریفرنسز کی سماعت میں مسلسل عدم حاضری پر اشتہاری قرار دیدیا۔ دونوں ملزمان کو تینوں ریفرنسز میں اشتہاری قرار دیا گیا۔دریں اثنا نیب

نے عدالت میں بتایا کہ حسن اور حسین نواز کی کوئی جائیداد نہیں ملی جبکہ ان کے بینک اکاﺅنٹس اور شئیرز پہلے سے ہی منجمد ہیں۔ عدالت کا کہنا تھا کہ حسن اور حسین نواز کے وارنٹ گرفتاری برقرار رہیں گے ۔ ذرائع کے مطابق  اشتہاری قرار دئے جانے کے بعد حسن نواز اور حسین نواز کے خلاف نیب آرڈیننس سیکشن512کے تحت شہادتیں ریکارڈ کرنے کا عمل شروع ہو گا۔