اسلام آباد (مانیٹرنگ ڈیسک)نواز شریف اور شہباز شریف میں اختلافات اور دراڑیں ڈالنے کی مخالفین کی خواہش کبھی پوری نہیں ہو گی، شریف خاندان میں کوئی دھڑے بندی نہیں، مستقبل کی قیادت کے حوالے سے شریف خاندان کسی ابہام کا شکار نہیں، مریم نواز سے میرا کوئی مقابلہ نہیں ،کیپٹن (ر) صفدر بہت اچھے انسان اور میرے بہت اچھے دوست ہیں، ان کی اپنی سوچ ہے، اس پر میں کچھ نہیں کہنا چاہتا،

تاہم میں سمجھتا ہوں کہ مذہبی جماعتوں کو آگے لاکر ہمارا ووٹ بینک توڑنے کی کوشش کی جا رہی ہے۔ تاہم مذہبی ووٹ ہمیشہ سے مسلم لیگ کا رہا ہے اور ہمیشہ رہے گا، حمزہ شہباز کی کالم نگاروں کے وفد سے گفتگو۔روزنامہ پاکستان لاہور کی ایک رپورٹ کے مطابق حمزہ شہباز نے کالم نگاروں کے وفد سے ملاقات میں کہا ہے کہ نواز شریف اور شہباز شریف میں اختلافات اور دراڑیں ڈالنے کی مخالفین کی خواہش کبھی پوری نہیں ہو گی، شریف خاندان میں کوئی دھڑے بندی نہیں اور شریف خاندان مستقبل کی قیادت کے حوالے سے یکسو جبکہ ابہام کا شکار نہیں ہے۔ ان کا کہنا تھا کہ ن لیگ نے جن حالات میں ملک کا انتظام و انصرام سنبھالا وہ سب کے سامنے ہے۔ نواز شریف اور ان کی ٹیم کی شبانہ روز محنت نے پاکستان کو پھر سے پائوں پر کھڑا کر دیا۔ میڈیا جہاں نواز شریف پر تنقید کا کوئی موقع ہاتھ سے نہیں جانے دیتا وہاں ان کے کارناموں کو بھی اجاگر کرتا تو اس سے گلہ نہ رہتا۔ حمزہ شہباز کا کہنا تھا کہ ہماری حکومت نے تھانہ کلچر تبدیل کیا، جن تھانوں میں سائل ایف آئی آر درج کرانے کیلئے ذلیل و خوار ہوتے تھے، آج تھانوں میں بنے فرنٹ ڈیسک کے ایئرکنڈیشنڈ کمروں میں بیٹھ کر ایف آئی آر درج کراتے ہیں اور انہیں پورا پروٹوکول دیا جاتا ہے۔ زرعی شعبے میں اصلاحات سے کسانوں کی حالت بدلی۔ وہ کسان جو ایک فرد کیلئے پٹوار خانوں کے چکر لگاتے تھے، آج لینڈ ریکارڈ سنٹر

میں انہیں پانچ منٹ میں فرد ملکیت مل جاتی ہے۔انہوں نے کہا کہ کیپٹن (ر) صفدر بہت اچھے انسان اور میرے بہت اچھے دوست ہیں، ان کی اپنی سوچ ہے، اس پر میں کچھ نہیں کہنا چاہتا۔ تاہم میں سمجھتا ہوں کہ مذہبی جماعتوں کو آگے لاکر ہمارا ووٹ بینک توڑنے کی کوشش کی جا رہی ہے۔ تاہم مذہبی ووٹ ہمیشہ سے مسلم لیگ کا رہا ہے اور ہمیشہ رہے گا۔ انہوں نے کہا کہ آنے والے انتخابات میں

مسلم لیگ ایک بار پھر بھرپور کامیابی حاصل کرکے سب سے بڑی جماعت ثابت ہوگی۔