اسلام آباد (مانیٹرنگ ڈیسک) سینئر صحافی اور تجزیہ کار سہیل وڑائچ نے ایک نجی ٹی وی چینل کے پروگرام میں گفتگو کرتے ہوئے کہا کہ اس وقت مسلم لیگ (ن) اپنے دور حکومت کو طویل کرنے کی کوشش میں لگی ہوئی ہے لیکن مجھے ایسا محسوس ہو رہا ہے کہ مسلم لیگ (ن) کی حکومت سینٹ کے انتخابات تک قائم نہیں رہ سکتی۔ انہوں بات چیت کرتے ہوئے کہا کہ اس وقت مسلم لیگ (ن) کا واحد مقصد کسی نہ کسی طرح انتخابات تک پہنچنا

ہے کیوں کہ ان کا خیال ہے کہ وہ انتخابات میں ان تمام مسائل کا حل نکال لے گی مگر ن لیگ والے ان وجوہات پر غور نہیں کر رہے کہ یہ مسائل پیدا کیوں ہو رہے ہیں؟ وہ اپنے دور اقتدار کو طوالت دے کر مسائل کا حل تلاش کر رہے ہیں لیکن آنے والے ہر دن حکومت کے لیے مشکل ہوتا جا رہا ہے، سینئر صحافی نے کہا کہ حالات اس قدر سنگین ہو گئے ہیں کہ سینٹ کا الیکشن مسلم لیگ (ن) کے دور حکومت میں ہوتا ہوا مشکل نظر آ رہا ہے۔