راولپنڈی(نیوزڈیسک)آرمی چیف جنرل قمرجاوید باجوہ لاہورمیں شہید میجراسحاق کے گھرپہنچ گئے،شہید میجراسحاق کے اہلخانہ سے اظہارہمدردی اور تعزیت ،آئی ایس پی آر کے مطابق آرمی چیف جنرل قمر باجوہ نے لاہورمیں شہید میجراسحاق کے گھرجاکر ان کے اہلخانہ سے ملاقات کی اس موقع پر جنرل قمر جاوید باجوہ نے میجر اسحاق شہید کے اہل خانہ سے اظہار تعزیت کیا اور فاتحہ خوانی بھی کی

، اس موقع پر آرمی چیف جنرل قمر باجوہ نے کہا کہ ملک کے دفاع کے فرض کو پوراکرنے کے لئے فوج کے افسران اور جوانوں کی قربانیاں رائیگاں نہیں جائیں ، قربانیوں نے ہمارے قومی عزم کو مزید مضبوط کیا ہے، دہشت گردوں کی کارروائیاں ہمارے حوصلے پست نہیں کرسکتیں اور نہ ہی ہم بزدلانہ اقدامات سے گھبرانے والے ہیں ، جنرل قمر باجوہ نے کہا کہ ہم ہر قیمت پر دہشت گردی کو ختم کرکے رہیں گے ، آرمی چیف کے ساتھ اس موقع پر کورکمانڈر لاہور لیفٹیننٹ جنرل عامر ریاض بھی موجود تھے۔