اسلام آباد (مانیٹرنگ ڈیسک) سینئر صحافی و تجزیہ کار عارف نظامی کا کہنا ہے کہ اس وقت لوگ تحریک انصاف میں شمولیت اختیار کر رہے ہیں، تفصیلات کے مطابق ایک نجی ٹی وی چینل کے پروگرام میں سینئر صحافی عارف نظامی نے کہا کہ ارباب غلام رحیم نے کافی دن لاہور میں بھی موجود رہے، ان کا کہنا تھا کہ رائے ونڈ کے دروازے ان کے لیے بند ہوئے ہیں، عارف نظامی نے کہا کہ میں کوشش بھی کی کہ ان کی میاں نواز شریف سے ملاقات ہو سکے، اس زمانے میں شاید ان کی ملاقات میاں نواز شریف سے ہوئی بھی تھی، اس وقت ارباب رحیم جو سندھ کے سابق وزیراعلیٰ
رہ چکے ہیں تحریک انصاف میں شمولیت اختیار کرنے والے ہیں، سینئر صحافی نے کہا کہ ارباب رحیم پر پرویز مشرف کے دور میں جوتوں کی بارش بھی ہوئی تھی، اس موقع پر انہوں نے زاہد حامد کا ذکر کرتے ہوئے کہا کہ یہ صاحب پرویز مشرف کے بھی خدمت گار تھے، وہ اب ن لیگ کے بھی وفاقی وزیر قانون رہ چکے ہیں، سینئر صحافی نے کہا کہ اس وقت ن لیگ نے تو سب کے لیے دروازے کھول رکھے ہیں کہ کوئی ان کی جماعت میں آئے مگر ان کی جماعت سے لوگ جا ہی رہے ہیں، دوسری طرف تحریک انصاف ہے جس میں لوگ شامل ہو رہے ہیں مگر جا نہیں رہے۔
