اسلام آباد (مانیٹرنگ ڈیسک) عالمی براداری نے شمالی کوریا کی جانب سے بیلسٹک میزائل کے تجربہ پر شدید تحفظات کا اظہار کرتے ہوئے اسے اقوا م متحدہ سلامتی کونسل کی قراردادوں کے منافی قراردے دیا ہے۔دفترخارجہ سے جاری بیان میں کہا گیا ہے کہ پاکستان کو شمالی کوریا کی جانب سے بلاسٹک میزائل کے تجربہ کرنے پر شدید تحفظات ہیں ، بیان میں کہاگیا ہے کہ ایسے میزائل کا تجربہ کرنا اقوام متحدہ کی قراردادوں کے منافی ہے، اس سے بین الاقوامی قوانین کے
خلاف ہے، پاکستان نے اس بات پر زور دیا ہے کہ شمالی کوریا کو خطے میں امن کے قیام کیلئے بین الاقوامی قوانین کے مطابق اپنا کردار ادا کرنا چاہیے۔ جزائر کوریا میں سلامتی اوراستحکام کو برقرار رکھنے کیلئے تمام متعلقہ ممالک کو سفارتکاری اور مزاکرات کے ذریعے معاملات کو حل کرناچاہیے۔ اسکے علاوہ امریکہ ،روس سمیت دیگر عالمی رہنماؤں نے بھی شمالی کوریا کے تازہ ترین تجربے کی شدید مذمت کرتے ہوئے اسے اشتعال انگیزی قرار دیاہے ۔
