لاہور (مانیٹرنگ ڈیسک) سابق وزیر اعظم و مسلم لیگ (ن) کے صدر نوازشریف 2دسمبر کو کوئٹہ اور 4دسمبر کو ملتان میں جلسوں سے خطاب کریں گے ، نوازشریف کی صاحبزادی مریم نواز بھی عوامی مہم کے سلسلہ میں 25دسمبر کو رحیم یارخان میں جلسہ کریں گی ۔ بتایاگیا ہے کہ طے شدہ منصوبے کے مطابق نوازشریف نے عوامی رابطہ میں تیزی لانے کا فیصلہ کیا ہے اور
اس سلسلہ میں 2دسمبر کو بلوچستان کے صوبائی دارالحکومت کوئٹہ جبکہ 4دسمبر کو پنجاب کے ضلع ملتان میں جلسوں کا انعقاد کیا جائے گا جس کیلئے مرکزی او ر مقامی رہنماؤں کو تیاریوں کیلئے احکامات جاری کردئیے گئے ہیں۔ مزید بتایا گیا ہے کہ مریم نوازشریف بھی عوامی رابطہ مہم کیلئے متحرک ہوگئی ہیں اور وہ بھی25دسمبر کو رحیم یارخان میں جلسے سے خطاب کریں گی ۔
