اسلام آباد (مانیٹرنگ ڈیسک) شہباز شریف 1999ء کے ایڈونچر میں شامل نہیں تھے، کالم نگار اور تجزیہ نگار حامد میر نے ایک نجی ٹی وی چینل کے پروگرام میں گفتگو کرتے ہوئے کہا کہ 1999ء کے ایڈونچرمیں شہبازشریف بالکل شامل نہیں تھے، پروگرام کے دوران حامد میر نے شہباز شریف کا واٹس ایپ میسج پڑھ کر سنا دیا جو انہوں نے لندن سے حامد میر کو کیا، اس مسیج میں انہوں نے ہسپتالوں میں سٹی سکین مشینوں کی بات کی۔ پروگرام کے میزبان کے ایک سوال پرحامد میر نے انکشاف کرتے ہوئے
کہا کہ شہبازشریف 1999ء کے ایڈونچرمیں بالکل شامل نہیں تھے۔ جنرل پرویز مشرف کو ہٹانے کا فیصلہ میاں محمد نواز شریف نے شہبازشریف سے چھپا کر رکھا، مجھے یہ بات شہباز شریف نے خود بتائی تھی، سینئر صحافی نے کہا کہ شہباز شریف نے کہا کہ جب ہم عدالت میں اکٹھے ہوئے تو میں نے پہلا سوال ہی یہ کیا نوازشریف سے کہ آپ نے مشرف کو ہٹانے کا مجھے کیوں نہیں بتایا، جس کے جواب میں میاں نواز شریف نے کہا کہ اگر میں بتا دیتا تو آپ مجھے روک دیتے اور مجھے یہ نہ کرنے دیتے۔
