اسلام آباد (مانیٹرنگ ڈیسک) سابق وزیر اطلاعات پرویز رشید نے کہاہے کہ سابق وزیر داخلہ چوہدری نثار سے کوئی ذاتی رنجش نہیں ہے ٗان کا اپنا ٗ میرا اپنا نقطہ نظر ہے ٗجمہوریت میں 58ٹو بی شامل کر دیا جائے تو جمہوریت نہیں رہتی۔ایک انٹرویومیں پرویز رشید نے کہا کہ سابق وزیراعظم نوازشریف پر ملک لوٹنے اور کرپشن کا الزام ثابت نہیں ہوا۔

انہوں نے کہا کہ ہمیں آج بھی نہیں پتہ کہ نوازشریف کا جرم کیا تھا ٗکیا اقامہ بنا کر پاکستان کو لوٹا گیا ؟جو شخص اربوں کے اثاثے ڈکلیئر کر دے وہ 12لاکھ کے اقامے کیوں چھپائیگا ٗنوازشریف کا اقامہ ڈکلیئر تھا اور نومی نیشن پر اس کی کاپی منسلک تھی۔سابق وفاقی وزیر اطلاعات نے آئندہ کبھی بھی وزیر نہ بننے کا اعلان بھی کر دیا ۔ایک سوال پر انہوں نے کہا کہ چوہدری نثار علی خان سے کوئی ذاتی رنجش نہیں ،ان کا اپنا نقطہ نظر ہے اور میرا اپناہے ،ہم دونوں اپنی اپنی بات پر پارٹی کو قائل کرنے کی کوشش کرتے ہیں ،وقت اور حالات نے پارٹی کو وہ باتیں سمجھا دیں جو ہم کہتے ہیں ٗچوہدری نثار علی خان کی باتیں لوگ قبول نہیں کرتے ۔ سابق وزیر اطلاعات نے کہا کہ اختلاف کسی شخصیت سے نہیں ٗنظرئیے سے ہوتاہے ،جمہوریت میں 58ٹو بی شامل کر دیا جائے تو جمہوریت نہیں رہتی ۔انہوں نے شہبازشریف کو آئندہ الیکشن میں کامیابی پر وزیراعظم بنانے کی خبروں پر کیے جانے والے سوال کا جواب دیتے ہوئے کہا کہ قیادت کا فیصلہ پارٹی کرے گی ،مجھے کسی نے اس حوالے سے کچھ نہیں بتایاہے ۔