اسلام آباد۔۔۔۔جمعیت علمائے اسلام (ف) کے سربراہ مولانا فضل الرحمان نے وزیر اعظم نواز شریف سے منگل کی صبخ ملاقات کی جس میں موجودہ سیاسی صورتحال پر تفصیلی تبادلہ خیال کیا گیا۔وزیراعظم ہاؤس اسلام آباد میں وزیراعظم نواز شریف اور مولانا فضل الرحمان کے درمیان ملاقات کے موقع پر وزیرداخلہ چوہدری نثارعلی خان،وزیرریلوے خواجہ سعد رفیق، وفاقی وزیر برائے ہاؤسنگ اکرم خان درانی اور گورنر خیبر پختونخوا سردار مہتاب خان عباسی بھی موجود تھے۔ ذرائع نے بتایا کہ خیبر پختونخواہ میں حکومت کی تبدیلی کے حوالے سے مولانے فضل الرحمان نے اپنی تجاویز پیش کیں۔ اس موقع ملک کی موجودہ سیاسی صورتحال، خیبرپختونخوا میں امن وامان اور دیگر امور پر تفصیلی تبادلہ خیال کیا گیا۔گزشتہ روز مولانا فضل الرحمان نے گزشتہ روز وزیر اعلیٰ پنجاب میاں شہباز شریف سے بھی ملاقات کی تھی۔