ممبئی (نیوز ڈیسک) بالی وڈ اداکار شاہد کپور اپنی منگیتر میرا راجپوت سے10جون کو شادی کے بندھن میں بندھ جائیں گے۔ اس سلسلے میں دونوں گھرانوں کے بیچ گزشتہ چند دنوں سے مذاکرات کا سلسلہ جاری تھا جس میںآخر کار10جون کی تاریخ پر دونوں گھرانوں کا اتفاق ہوگیا ہے۔ معلوم ہوا ہے کہ تاریخ طے پاتے ہی دونوں گھروں میں شادی کی دھوم دھڑکے سے تیاریاں بھی شروع کی جاچکی ہیں۔ اس حوالے سے شاہد یا میرا کے اہل خانہ کی جانب سے کوئی بیان سامنے نہیں آیا ہے تاہم شاہد کے قریبی ذرائع کا دعویٰ ہے کہ اس تاریخ پر دونوں گھروں میں اتفاق پایا جاتا ہے۔واضح رہے کہ شاہد کپور کی منگنی کے چرچے حال ہی میں ہوئے ہیں اور جوڑے نے اس حوالے سے بھی تردید یا تصدیق میں بہت دیر کی تھی۔