اسلام آباد (مانیٹرنگ ڈیسک) سونے کو پر لگ گئے، گزشتہ دس دنوں میں سونے کی قیمت میں بے تحاشہ اضافہ۔ تفصیلات کے مطابق عالمی منڈی میں سونے کی قیمتیں بڑھنے سے مقامی مارکیٹ پر بھی اثرات پڑنے شروع ہو گئے جس کے باعث پچھلے دس روز میں سونے کی فی تولہ قیمت میں 1900 روپے کا اضافہ ہوا جس کے بعد سونے کی فی تولہ قیمت 53 ہزار تین سو روپے ہو گئی ہے۔
مقامی ماہرین کا کہنا ہے کہ محرم سے قبل شادیوں کے سیزن کی وجہ سے بھی سونے کی قیمتوں میں اضافہ ہو جاتا ہے جبکہ دوسری طرف عالمی قوتوں کے آپس میں تناؤ کے باعث سرمایہ کار ڈالر میں انویسٹمنٹ کرنے سے ڈر رہے ہیں اور سونے میں سرمایہ کاری کر رہے ہیں۔ ماہرین کا کہنا ہے کہ اس وقت سب سے محفوظ ترین کاروبار گولڈ کا ہے۔
