لاہور(آن لائن) شارجہ کے مالز عید تک تین دن کے لیے اشیاء پر 80 فیصد تک رعایت پیش کر رہے ہیں۔ شارجہ چیمبر آف کامرس اینڈ انڈسٹری (ایس سی سی آئی) کے شرکاء نے شارجہ کے مالز میں گرینڈ سمر ڈسکاؤنٹ سکیم کا اعلان کیا ہے جس کو منگل کے روز شروع کیا جائے گا۔ شارجہ چیمبر آف کامرس اینڈ
انڈسٹری موسم گرما کی سرگرمیوں کے سلسلے میں پہلی بار ایسی کوئی سکیم آفر کر رہی ہے جس کے تحت مختلف برانڈز، مصنوعات اور سامان پر 80 فی صد تک کی رعایت ہو گی۔ شارجہ کے تمام مالز اور شاپنگ سینٹرز اس سکیم میں حصہ لیں گے جو منگل سے شروع ہو گی اور 31 اگست بروز جمعرات تک جاری رہے گی۔
