لاہور( این این آئی) پی آئی اے نے پہلے فروخت کیے گئے طیارے کو دوبارہ فروخت کرنے کا فیصلہ کر لیا، طیارہ ایئر لائن کے سابق جرمن سی ای او نے جرمن کمپنی کو فروخت کیا تھا جسے دوبارہ اشتہار کے ذریعے فروخت کیا جائے گا۔ذرائع کے مطابق ایئر لائن انتظامیہ ایئربس تھری ون زیرو طیارے کی فروخت کیلئے اشتہاردے گی۔
مذکورہ کمپنی کی جانب سے طیارے کی قیمت پہلے 34750یورو لگائی گئی، مذکورہ طیارے کی بعد ازاں قیمت 47500یورو لگائی گئی۔ذرائع کے مطابق دسمبر 2016ء میں جرمن ایئرپورٹ پر پی آئی اے کے خرچے پر طیارہ پہنچایا گیا۔ کل رقم طیارے کے ایئرپورٹ پرمستقل ڈسپلے پرکمپنی کو ملنی تھی۔ مبینہ فروخت سے متعلق ہیلڈن برنڈ کے خلاف ایف آئی اے کی تحقیقات جاری ہیں۔
