لاہور/سیالکوٹ(آئی این پی) بھارت نے دریائے چناب کا پانی دوبارہ بگلیہار ڈیم پر روک لیااورہیڈمرالہ کے مقام پر پانی کی آمد93ہزار چار سو بارہ کیوسک سے کم ہوکر 57 ہزار دو سو اناسی کیوسک ہو گئی۔میڈیا رپورٹس میں بتایا گیا ہے کہ محکمہ ایریگیشن کے مطابق ہیڈمرالہ کے مقام پر مقبوضہ کشمیر سے آنے والے دریائے چناب کا مجموعی پانی 66ہزار سات سو چوبیس کیوسک ہے جس میں مقبوضہ کشمیرسے آنے والے دیگر دودریاؤں دریائے جموں توی میں سات ہزار پانچ سو انتالیس کیوسک

پانی اور دریائے مناورتوی میں ایک ہزار نو سو چھ کیوسک پانی بھی شامل ہے اور ہیڈمرالہ کے مقام سے دریائے چناب سے نکلنے والی دو نہروں مرالہ راوی لنک میں بیس ہزار نو سو کیوسک پانی اور نہر اپر چناب میں بارہ ہزار آٹھ سو کیوسک پانی چھوڑ اجارہا ہے ، بھارت نے کئی سالوں سے دریائے چناب کا پانی روک رکھا ہے جس کی وجہ سے پنجاب کے مختلف اضلاع کی لاکھوں ایکٹر زرعی اراضی کو نقصان پہنچ چکا ہے اور اب دوبارہ بھارت نے دریائے چناب کا پانی روک لیا ہے .