اسلام آباد(مانیٹرنگ ڈیسک) ہاکی کا کھلاڑہوں گول کر کے ہی نکلوں گا، رحمان ملک کی پانامہ جے آئی ٹی کے سامنے پیشی سے قبل میڈیا سے گفتگو۔ تفصیلات کے مطابق پیپلزپارٹی کے سینیٹررحمان ملک پانامہ جے آئی ٹی کے سامنے پیش ہو گئے ہیں ۔ پیشی سے قبل میڈیا سے گفتگو کرتے ہوئےا ن کا کہنا تھا کہ اس وقت کے صدر کو لکھے گئے خط اور دستاویزات لیکر آیا ہوں جو جے آئی ٹی کو پیش کروں گا۔ کوئی وجہ نہیں کہ خطوط کو تسلیم نہ کروں۔

ان کا کہنا تھا کہ میری پیش کی گئی دستاویزات کے بعد جے آئی ٹی کو مزید کسی شواہد کی ضرورت نہیں پڑے گی ۔رحمان ملک کا کہنا تھا کہ انہوں نے بطور ایف آئی اے افسر حدیبیہ پیپرز ملز سے متعلق منی لانڈرنگ کی تحقیقات کی تھیں جس میں 10تفتیشی افسران نے حصہ لیا تھا تحققیات ذاتی نہیں بلکہ سرکاری سطح پر کی گئی تھیں جس میں پوری منی ٹریل موجود ہے۔اس موقع پر انہوں نے کہا کہ میں ہاکی کا کھلاڑی ہوں گول کر کے ہی نکلوں گا۔