اسلام آباد(مانیٹرنگ ڈیسک) مسلم لیگ (ن) نے پانامالیکس کافیصلہ حق یامخالفت میں آنے کی صورت میں مشاورت کاعمل مکمل کرلیاہے ۔ایک نجی ٹی وی کی رپورٹ کے مطابق سپریم کور ٹ میں پانامالیکس کے مقدمے کافیصلہ آئندہ ہفتے متوقع ہے جس کے پیش نظروزیراعظم نوازشریف نے پارٹی کی کورکمیٹی کے اہم ترین ارکان اورقانونی ماہرین سے مشاورت مکمل کرلی ہے اورسپریم کورٹ جس طرح اپنے فیصلے میں
احکامات جاری کرے گی حکومت ان پرمن وعن عمل کرے گی ۔نجی ٹی وی کے ذرائع کے مطابق اگرسپریم کورٹ چرمین نیب کوہٹاکرنئے چیرمین کی تعیناتی کاحکم دے گی تووفاقی حکومت آئین کے طےکردہ ضوابط کے تحت نئے چیرمین نیب کاتقرربھی کردے گی۔اسی طرح اگرکسی اورمحکمے کوتحقیقات کاحکم جاری کرتی ہے توحکومت اس پربھی عمل کرے گی ۔سپریم کورٹ کی طرف سے پانامالیکس کی تحقیقات کےلئے اگرکوئی کمیشن تشکیل دینے کے احکامات جاری کئے جاتے ہیں توحکومت سپریم کورٹ کے احکامات کے عین مطابق کمیشن بھی تشکیل دے دیدگی ۔نجی ٹی وی کے مطابق وزیراعظم کی زیرصدارت ہونے والے اجلاس میں ابھی تک یہ طے نہیں کیاگیااورنہ اس پرغورکیاگیاکہ نوازشریف کی نااہلی کی صو رت میں ن لیگ کس رہنما کونیاوزیراعظم منتخب کرائے گی ۔نجی ٹی وی کے مطابق اجلاس میں فیصلہ کیاگیاکہ کسی صورت مسلم لیگ (ن) فیصلے کی مخالفت نہیں کرے گی اورنہ ہی اپیل میں جائے گی ۔سپریم کورٹ کے احکامات کے مطابق ہی تمام معاملات طے کئے جائیں گے ۔نجی ٹی وی کے مطابق یہ بھی نہیں بتایاگیاکہ وزیراعظم نوازشریف کی نااہلی کی صورت میں کیاحکومت نئے انتخابات کااعلان بھی کرے گی یانہیں ؟۔اجلاس میں یہ فیصلہ اپوزیشن کے کسی بھی ردعمل کامقابلہ کرنے کےلئے کیاگیاہےتاکہ عام انتخابات میں عوامی ردعمل کواپنے حق میں کیاجائے ۔
