نئی دہلی (آئی این پی)بھارت نے پاکستان کے اجمیر شریف دھماکہ کیس میں آر ایس ایس کے رہنما سوامی آسیم آنند کی رہائی سے متعلق تحفظات کومسترد کرتے ہوئے خبردار کیا ہے کہ پاکستان ہمارے اندرنی معاملات میں مداخلت سے باز رہے اور اپنی سرزمین سے نکلنے والی دہشتگردی کے خلاف کاروائی کرے ۔ہفتہ کو بھارتی میڈیا کے مطابق وزارت خارجہ کے ترجمان گوپال بگلے نے اجمیر شریف دھماکہ کیس میں آر ایس ایس کے

رہنما سوامی اسیمانند کی رہائی سے پاکستان کے تحفظات سے متعلق ایک سوال پر ردعمل ظاہر کرتے ہوئے کہاکہ مضبوط بھارتی جمہوریت اور نظام انصاف کو خودغرضی کے خطبات کی ضرورت نہیں ایسا پاکستان جیسے ملک کی طرف سے ضروری ہوسکتا ہے ۔ترجمان کا مزید کہنا تھاکہ پاکستان کسی بھی شکل میں بھارت کے اندرونی معاملات میں مداخلت سے باز رہے ا ور اپنی سرزمین سے نکلنے والی دہشتگردی کی حقیقت سے انکار نہ کرے ۔