نئی دہلی (آئی این پی)بھارت نے پاکستانی سرحد کے ساتھ سمارٹ باڑ لگانے کا اعلان کرتے ہوئے کہا ہے کہ با۔جمعرات کو بھارتی میڈیاکے مطابق وزیر مملکت برائے داخلہ کرن رججو کاصحافیوں سے گفتگو کرتے ہوئے کہنا تھا کہ باڑ کی جانچ کا عمل حتمی مراحل میں داخل ہوچکا ہے امید ہے کہ3323کلومیٹر لمبی پاک بھارت سرحد کے ساتھ سمارٹ باڑ کی تنصیب کا کام جلد شروع ہوجائے گا۔۔
ترجمان نے کہاکہ نئی باڑکثیر درجے کی تہہ والی سیکورٹی رنگ پر مشتمل اورالارام کے ساتھ ہوگی جو کسی بھی دراندازی یا باڑ کاٹنے کی کی کوشش صورت میں سیکورٹی فورسز کے اہلکاروں کو الرٹ کرسکے گی ۔کرن رججو نے صحافیوں کو بتایاکہ سمارٹ باڑ لگانے کی جانچ کا کام آخری مرحل میں ہے بہت جلد یہ مکمل ہوجائے گا جس کے بعد پاک بھارت سرحد پر باڑ کو کھڑ ا کردیا جائے گا۔انکا کہنا تھاکہ باڑ کی جانچ کا کام بہت سے مقامات پر کیا جارہا ہے اسکی تفصیلات سیکورٹی وجوہات پر نہیں بتائی جاسکتی ۔ہمیں مراحلہ وار اپنی تمام سرحدوں پر باڑ لگانی پڑے گی لیکن ہماری ترجیح پاک بھارت سرحد ہے ۔
