پشاور(این این آئی)چترال سے تعلق رکھنے والی عائشہ عثمان اپنی ڈگری لینے اسلام آباد جارہی تھی کہ طیارہ حادثے میں جاں بحق ہوگئی ۔عائشہ عثمان ایم فل کی طالبہ تھی، ڈگری لینے اسلام آباد جارہی تھی ۔پی آئی اے کے بدقسمت طیارے میں نوبیاہتا دلہن عائشہ عثمان بھی سوار تھیں ۔
ایم فل کی ڈگری لینے کے لیے اسلام آباد جانے والی عائشہ کا سفر آخری سفر ثابت ہوا۔ عائشہ کی دو ماقبل شادی ہوئی تھی۔ کاغذات اور دیگر ضروری کاروائی مکمل کرنے کے بعد عائشہ عثمان بیرون ملک مقیم شوہر کے پاس منتقل ہونے کی تیاریاں کررہی تھیں۔ چترال میں عائشہ عثمان کے گھر تعزیت آنے والوں کا سلسلہ جاری ہے۔
