نیویارک /نئی دہلی (آئی این پی)بھارت نے نیویارک میں مقیم پاکستانی صحافی خاتون کی ممبئی میں اپنی دوست کی شادی میں شرکت کیلئے ویزہ درخواست نامعلوم وجوہات کی بناء پر مسترد کردی ۔غیر ملکی خبررساں ادارے کے مطابق سارہ منیر اور پروی ٹھیکر نیویارک میں صحافت کے پیشے سے وابستہ اور گزشتہ 6سالوں سے بہت اچھی دوست بھی ہیں۔سارہ منیرکا تعلق پاکستان جبکہ پروی ٹھیکر بھارتی شہری ہیں۔سارہ منیر جو ماضی میں بھارت کادورہ کرچکی ہیں نے اپنی دوستپروی ٹھیکر جس کی شادی دسمبر میں ممبئی میں ہونی ہے میں شرکت کیلئے بھارت کے ویزے کی درخواست دی تھی جسے نامعلوم وجوہات کی بناء پر مسترد کردیا گیا ۔سارہ منیر کی ویزہ درخواست مسترد ہونے کے بعد اسکی دوست پروی ٹھیکر نے انٹرنیٹ کے ذریعے اپنے پیغام کو پھیلانے کیلئے فیس بک پر پوسٹ کیا کہ ’’میری بہتری دوست میری زندگی کے سب سے بڑے دن کے موقع پر وہاں نہیں ہوگی ‘‘ جس کے بعد یکم نومبر کو اسکی یہ پوسٹ وائرل ہوگئی ۔‎