شام: عراق و شام میں سرگرم دہشت گر د گروپ اسلامک اسٹیٹ (داعش) نے ڈیجیٹل کرنسی بٹ کوائن’ کا استعمال شروع کر دیا ہے۔ اس کے علاوہ اس گروہ کا زیادہ ترمالی لین دین بھی اسی ڈیجیٹل کرنسی میں ہوتا ہیں۔ جاپانی نیوز ایجنسی کیودو کی رپورٹ کے مطابق داعش کو تیل اور گیس کی نا جائز تجارت سے زیادہ منافع حاصل ہوتا ہے جسے معمولی کھاتوں میں ٹرانسفر نہیں کیا جاتا ہے۔ بٹ کوائن کا آغاز 2009 میں ہوا تھا، اسے کرپتو کرنسی بھی کہتے ہیں۔ یہ کرنسی حسابی عمل لوگرتھم کی بنیاد پر کام کرتی ہے، جس کے لئے کمپیوٹر کو انٹر نیٹ سے منسلک کر کے، کمپیوٹر کے پروسیسر سے کام لیا جاتا ہے۔ بٹ کوائن کی خصوصیت یہ ہے کہ کرپٹو کرنسی ہونے کی وجہ سے اس کے مالکان اور صارفین کا پتہ لگانا خاصا مشکل ہے۔ اس وجہ سے اس کا غیر قانونی استعمال بھی کیا جاسکتا ہے۔ آج کل بٹ کوائن کو ٹرانزایکشنز کیلئے 60 ہزار سے زیادہ آن لائن شاپس میں استعمال کیا جاتا ہے۔