واشنگٹن (دنیا نیوز ) امریکن آئس ہاکی لیگ کے میچ میں پیٹس برگ پینگوئن کی ٹیم نے دلچسپ مقابلے کے بعد کامیابی حاصل کر لی۔ واشنگٹن ڈی سی میں کھیلے گئے آئس ہاکی لیگ کے میچ میں میزبان کیپیٹلز اور پیٹس برگ پینگوئنز کی ٹیمیں مدمقابل ہوئیں ، میچ کے تیسرے پیریڈ میں پین گوئنز ٹیم کی جانب سے شاندار کھیل کا مظاہرہ کیا گیا۔ میچ تین تین گول سے برابر تھا کہ پیٹس برگ کے کرس کونٹز نے فیصلہ کن گول سکور کیا اور ٹیم کو فتح دلائی۔ مہمان پینگوئنز نے سنسنی خیز مقابلے کے بعد واشنگٹن کی ٹیم کو چار تین سے ٹھکانے لگایا۔ اس کامیابی کے بعد پینگوئنز نے پوائنٹ ٹیبل پر 79 پوائنٹس کے ساتھ چوتھی پوزیشن مستحکم بنا لی۔