اسلام آباد (نیوز ڈیسکپاکستانی اداکارہ اور میزبان فضا علی نے اپنے مارننگ شو کے ایک وائرل لمحے پر ہونے والی تنقید کے بعد وضاحت پیش کر دی ہے۔
میڈیا رپورٹس کے مطابق سوشل میڈیا پر گردش کرنے والی ویڈیو پر مختلف حلقوں کی جانب سے سخت ردعمل سامنے آیا، جس کے بعد فضا علی نے اپنا مؤقف بیان کیا۔انہوں نے کہا کہ یہ واقعہ پروگرام کے دوران ایک ہلکے اور دوستانہ ماحول میں اچانک پیش آیا، تاہم اسے سیاق و سباق سے ہٹ کر پیش کیا گیا۔ ان کے مطابق اس عمل کے پیچھے کوئی نامناسب ارادہ نہیں تھا بلکہ یہ ایک فطری ردعمل تھا۔فضا علی کا کہنا تھا کہ وہ ہمیشہ اپنے پیشے اور ناظرین کا احترام کرتی ہیں اور مستقبل میں بھی اسی ذمہ داری کے ساتھ اپنا کام جاری رکھیں گی۔واضح رہے کہ حال ہی میں انہوں نے اپنے شو میں اپنے شوہر کو بطور مہمان مدعو کیا تھا، جبکہ ان کی بیٹی بھی پروگرام میں موجود تھیں۔
دورانِ گفتگو فضا علی نے اپنے شوہر سے کہا کہ وہ انہیں اسی طرح اٹھا کر دکھائیں جیسے گھر پر کرتے ہیں۔جس پر ان کے شوہر نے لائیو پروگرام میں انہیں کندھے پر اٹھا لیا، اور یہی لمحہ ویڈیو کی صورت میں سوشل میڈیا پر وائرل ہو گیا۔
