اسلام آباد (نیوز ڈیسک): بالی ووڈ کے سپر اسٹار شاہ رخ خان کا ایک معروف ڈائیلاگ ایک بار پھر سرخیوں میں آ گیا، تاہم اس مرتبہ اس کا تعلق فلمی دنیا کے بجائے عالمی سیاست سے ہے۔
ممبئی میں قائم ایرانی قونصل خانے نے سوشل میڈیا پلیٹ فارم ایکس (ٹوئٹر) پر ایک ویڈیو جاری کی، جس میں سمندر میں تیز رفتار کشتیوں اور میزائل سرگرمیوں کی جھلک دکھائی گئی۔ اس ویڈیو کے ساتھ دیے گئے پیغام میں خلیج فارس میں ایران کی بحری تیاریوں کا ذکر کرتے ہوئے سخت مؤقف اختیار کیا گیا۔قونصل خانے نے امریکی صدر ڈونلڈ ٹرمپ کے حالیہ بیانات پر تنقید کرتے ہوئے کہا کہ وہ ایران کی بحری طاقت کو کمزور قرار دیتے رہے ہیں، لیکن اب انہیں اندازہ ہو جانا چاہیے کہ ایک مضبوط قوت کس طرح فوری ردعمل دینے کی صلاحیت رکھتی ہے۔
اس ساری صورتحال میں دلچسپ پہلو اُس وقت سامنے آیا جب ایرانی قونصل خانے نے اپنی پوسٹ میں بالی ووڈ فلم “اوم شانتی اوم” کا مشہور جملہ “ابھی تو صرف ٹریلر ہے، پکچر ابھی باقی ہے” بھی شامل کر دیا، جو عام طور پر کسی بڑی پیش رفت کے عندیے کے طور پر استعمال کیا جاتا ہے۔
یہ ڈائیلاگ شامل ہوتے ہی سوشل میڈیا پر تیزی سے وائرل ہو گیا اور صارفین نے عالمی سیاست اور فلمی مکالمے کے اس امتزاج پر مختلف تبصرے کیے۔
یاد رہے کہ اس سے قبل ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر ایران کی بحری صلاحیتوں کو کمزور قرار دیتے ہوئے سخت بیانات دیے تھے، جس کے جواب میں ایرانی قونصل خانے کی جانب سے یہ ردعمل سامنے آیا۔
“Red bees of the #PersianGulf” yeah, the fast missile boats are warming up.
Funny how #Trump kept claiming #Iran’s navy was “finished”… now they’re about to find out how a swarm can pin you down real quick.
Abhi toh sirf trailer hai, picture abhi baaki hai 😏.#HORMUZ pic.twitter.com/Wu0FV5iMIc
— Consulate General of the I.R. Iran in Mumbai (@IRANinMumbai) April 13, 2026
