نیو یارک(این این آئی) اقوام متحدہ میں پاکستان کی مستقل مندوب ملیحہ لودھی نے کہا ہے کہ پاکستان بھارت کے ساتھ ایٹمی دھماکے نہ کرنے کا دوطرفہ معاہدہ کرنے کی خواہش رکھتا ہے۔اقوام متحدہ میں پاکستان کی مستقل مندوب ملیحہ لودھی نے سلامتی کونسل کے زیر اہتمام مباحثے سے خطاب کرتے ہوئے کہا کہ پاکستان جوہری عدم پھیلاؤ سے متعلق واضح قوانین پرعمل پیرا ہے، پاکستان جوہری عدم پھیلاؤکی ذمے داریاں احسن طریقے سے پوری کررہا ہے اس سلسلے میں پاکستان نے ایٹمی تحفظ وسلامتی یقینی بنانے کیلئے مثالی اقدامات کیے ہیں ٗنیوکلیئرسپلائرز گروپ میں توسیع کی شرائط پر مبنی غیر امتیازی عمل کی ضرورت ہے، پاکستان کے کاغذات گروپ کی رکنیت کیلئے اہلیت ثابت کرتے ہیں۔ملیحہ لودھی نے کہا کہ پاکستان نے ایٹمی مواد کی برآمد روکنے کیلئے قابل اعتماد انتظامات کرلئے ہیں ٗ پاکستان نے آئندہ ایٹمی دھماکوں پر یکطرفہ پابندی عائد کررکھی ہے اور بھارت کے ساتھ ایٹمی دھماکے نہ کرنے کا دوطرفہ معاہدہ کرنے کی خواہش رکھتا ہے۔جوہری ٹیکنالوجی کے عدم پھیلاؤ پر ملیحہ لودھی نے کہاکہ تخفیف اسلحہ اورجوہری عدم پھیلاؤایک دوسرے سے منسلک ہیں ،اس کے عدم پھیلاؤپرمل کرکام کرناہوگا ٗ این پی ٹی پردستخط کرنیوالی ریاستوں کوذمیداریاں پوری کرنی چاہئیں۔