لاہور (نیوز ڈیسک) سعید اجمل ایک نجی ٹی وی چینل کے مباحثے میں شریک تھے جہاں پاکستان کا سابق مایہ نازلیگ سپنر عبدالقادر نے سعید اجمل کو ورلڈ کپ ٹیم کو جوائن کرنے کی درخواست کی۔ سابق کپتان عبدالقادر نے کا کہنا تھا کہ اس وقت پاکستانی ٹیم کو سعید اجمل کی اشد ضرورت ہے۔ اگر سعید اجمل آنکھیں بند کرکے بھی باﺅلنگ کروائے تو وہ ٹیم کے ساتھ اس وقت موجود باﺅلرز سے بہت اچھی باﺅلنگ کر وا سکتا ہے۔ عبدالقادر کا کہنا تھا کہ اگر سعید اجمل ٹیم کے ساتھ ہوتے تو وہ کبھی بھارتی ٹیم کے کھلاڑیوں کو رنز کے انبار نہ لگانے دیتے۔ سعید اجمل کو چاہیے کہ وہ آج ہی ورلڈ کپ میں شرکت کا اعلان کر دیں، پوری قوم ان کا ساتھ دے گی جس پر سعید اجمل کا کہنا تھا کہ میں ورلڈ کپ میں شرکت کیلئے تیار ہوں ۔یاد رہے کہ سعید اجمل نے ورلڈ کپ سے قبل اپنا باولنگ ایکشن کلیئر ہونے پر کہا تھا کہ وہ ورلڈ کپ میں شر کت کیلئے پوری طرح تیار نہیں ابھی انہیں بہت پریکٹس کی ضرورت ہے مگر قومی ٹیم کی دو میچز میں ہارنے کے بعد سعید اجمل نے کرکٹ ورلڈ کپ کھیلنے کیلئے آمادگی کا اظہار کر دیا ہے۔عبدالقادر نے سعید اجمل کو مشورہ دیا کہ قوم آپ کے ساتھ ہے‘ آپ ورلڈ کپ کھیلنے کیلئے آمادی کا اظہار کریں جس پر سعید اجمل نے کہا کہ وہ مکمل طور پر تیار ہیں اگر ٹیم مینجمنٹ چاہے تو میں ابھی ورلڈ کپ کھیلنے کیلئے تیار ہوں۔